ՔՈԱՖ Սմարթ Կենտրոն
Արմավիր

Դեր: Համահեղինակ, ՆԳՃ

Տարեթիվ: 2023-այժմ

Մակերես: 5600մ²

Փուլ:  Կառուցվում է

Դիրք:  ՀՀ, Արմավիր, Մյասնիկյան

Նշանավորելով հայտնի ճարտարապետ Ալբերտո Կամպո Բաեզայի հետ մեր հաջողված համագործակցության ևս մեկ նախագիծ՝ ներկայացնում ենք Արմավիրի նոր ՔՈԱՖ ՍՄԱՐԹ կենտրոնը: Այս մարզն առանձնահատուկ է ՔՈԱՖ-ի համար, քանի որ հենց այստեղից 2003-ին հիմնադրամը սկսեց իր առաքելությունը գյուղական համայնքներում: COAF Campus-ի այս գլխավոր կառույցը տեղի երիտասարդներին կտրամադրի բարձրակարգ ոչ ֆորմալ կրթություն:

Չորսհարկանի շենքը համադրում է մոնումենտալությունն ու նրբագեղ պարզությունը: Այն խարսխված է բացօթյա բակերով առանձնացող կիսանկուղային «պոդիումի» վրա: Վերին երեք հարկերը՝ քառակուսի հատակագծով և տրավերտինե երեսպատմամբ, ունեն ընդարձակ ապակեպատ մակերեսներ: Արևապաշտպան լուծումները ապահովում են առատ բնական լույս ու հարմարավետություն ամբողջ օրվա ընթացքում:

Նախագծի հիմքում ներառականությունն ու կայունությունն են: Կենտրոնն ամբողջությամբ հասանելի է բոլորի համար: Համալիրում կիրառվում են կանաչ տեխնոլոգիաներ՝ այն մեծ մասամբ սնուցվում է արևային կայանից, ունի ջրի մաքրման տեղային համակարգ և հավաքում է անձրևաջրերը՝ ոռոգման նպատակով:

Արմավիրի ՍՄԱՐԹ կենտրոնը պարզապես ճարտարապետական կառույց չէ. այն լուսավոր ու ոգեշնչող միջավայր է, որտեղ նոր սերունդը կսովորի, կաճի ու կկերտի իր ապագան: